مزارع جولد فيش لاسماك الزينة: التفريخ الصناعي للأسماك (induced spawning of fish)

الهرمونات المستخدمة في التفريخ الصناعي للأسماك

السلام عليكم ورحمه الله وبركاتة النها رده سنتكلم عن موضوع مهم جدا هو التفريخ الصناعي للاسماك والهرمونات المستخدمة في التفريخ وجرعاتها

اولا يجب ان نتكلم ازاي عمليه التفريخ بتم في الأسماك العوامل البيئيه من درجه حراره وامطار وغيرها يعني المناخ عموما +العوامل البيئيه الأخري من توافر الغذاء ونوعيته وغيرهم من العوامل البيئيه دي بتوثر علي المخ اللي بدوره بيفرز هرمون تستقبله الغده النخاميه لافراز الهرمونات الجنسيه اللي هنتكلم عنها بعض قليل وبالتالي الغده النخاميه هتفرز الهرمونات الجنسيه التي يستقبلها المبيض ويبدأ في انتاج البويضات ثم تفرز الغده النخاميه هرمون اخر يعمل علي سرعه نضج البويضات وتكوين الجسم

الأصفر للبويضه ثوم هرمون اخراج البويضات

دعونا الآن نتكلم عن هرمونات التفريخ الصناعي لحث الاسماك علي التبويض .

اولا : هرمون الغده النخاميه:

وفي مصر هنا وفقا لأننا مبنفرخش اسماك مياه بارده فبنستخدم الغده النخاميه المستخرجه من اسماك الكارب (carb pituitary) وطبعا هنا لسنا بصدد عرض طريقة استخراجها وتجفيفها اللي هنتكلم عنه في موضوع اخر ان شاء الله نيجي لجرعاتها اولا لا يمكن حساب الجرعات بها بالغده يعني مقولش السمكه او الكيلو هياخد كام غده وده لعدة اسباب اهمها هو حجم السمكه اللي مستخرج منها الغده يعني مثلا الغده دي متاخده من سمكه وزن 2ك غير الغده اللي متاخده من سمكه وزنها 20ك نسبه الهرمون بها هتكون مختلفه تماما ...طيب هنحسبها ازاي بتتحسب بالوزن المفروض الغدد دي بتتجاب وتتطحن وبناخد منها بالوز طيب الوزن قد ايه او الجرعه هي من 2:8mg/kg بتطحن ويضاف اليها المحلول ثم تحقن اما في الجزء العضلي او داخل الغشاء البريتوني

ثانيا : هرمون اتش سي جي HCG(human chorionic gondotropin)

او هرمون المشيمه البشري وده بيستخلص من بول النساء الحوامل وخصوصا في الشهر الثالث والرابع حيث يكون نسبه تركيز الهرمون اعلي ما يمكن في هذا التوقيت وتصل الي 200000وحده دوليه في الملي متر والذي نعمل علي انتاجه حاليا لمربي الأسماك انا واحد اصدقائي ولكن العقبه التي قاربت علي الأنتهاء هو جهاز التجفيد الذي يكون باهظ الثمن وده مش موضوعنا دلوقتي نتكلم عن جرعته حيث يكون متاح في الصيدليات البشريه نيجي للجرعه بتاعته من 165:600وحده دوليه واحيانا يصل التركيز لبعض الأسماك الي 1500وحده دوليه للكيلو.

ثالثا : هرمون Luteinizing hormone-releasing hormone LHRH) :

وده جرعته من 5:10MG/kg كده خلصنا الهرمونات بانواعها بجرعاتها تعالو بقي نشوف كل هرمون بيشتغل علي ايه اولاالغده النخاميه وال hcg دول بيشتغلوا علي طول علي المبيض يعني بمعني اصح ملهومش اي تأثير علي الغده النخاميه او المخ يعني بيدوا اومر للمبيض انه يكمل نمو البويضات ويطرحها ثانيا هرمون lhrh:ده بقي بيشتغل علي الغده انخاميه نفسها وده مينفعش لوحده ابدا ليه لان المخ بيفرز هرمون الدوبامين لمنع المستقبلات في الغده النخاميه من استقبال الهرمون وبالتالي لازم نستخدم مانع الدوبامين واحسنهم هو haloperidol وده جرعته من0.1:1mg/kg

واخيرا اتمني ان تنال المقالة اعجابكم وانتظرونا في مقالات اخري عن طرق الحقن والتفريخ
https://www.facebook.com/goldfish.eg/